សំនួរ និង ចំលើយ ច្បាប់ចរាចរណ៍ផ្លូវគោក សម្រាប់ត្រៀមប្រឡងយកបណ្ណបើកបរ វគ្គទី២

សំនួរ និង ចំលើយ

ច្បាប់ចរាចរណ៍ផ្លូវគោក សម្រាប់ត្រៀមប្រឡងយកបណ្ណបើកបរ វគ្គទី២

២៨. តើការបើកបរយានជំនិះក្នុងព្រះរាជាណាចក្រកម្ពុជា ត្រូវប្រកាន់ខាងណា?

ចំ. ប្រកាន់ស្តាំ។

២៩. តើអ្នកបើកបរយានយន្តចាប់ពីទំហំស៊ីឡាំងប៉ុន្មានសង់ទីម៉ែត្រគូប ឡើងទៅទើបតម្រូវឲ្យមានបណ្ណបើកបរ?

ចំ. ១២៥ សង់ទីម៉ែត្រគូប ឡើងទៅ។

៣០. តើអ្នកបើកបរយានយន្ត មានអត្រាជាតិអាល់កុលកម្រិតប៉ុន្មានត្រូវហាមឃាត់?

ចំ. ចាប់ពី ០,២៥ មីលីក្រាមក្នុងមួយលីត្រខ្យល់ ឬពី ០.៥០ ក្រាមក្នុងមួយលីត្រឈាមឡើងទៅ។

៣១. បើអ្នកបើកបរជួបប្រទះផ្លាកសញ្ញាហាមចតនៅតាមដងផ្លូវ តើផ្លាកនោះមានអាទិភាពដូចម្តេច?

ចំ. មានអាទិភាពពីផ្លាកសញ្ញា រហូតដល់ផ្លូវខ្វែងទី១ខាងក្រោយផ្លាកសញ្ញា។

៣២. នៅពេលកំពុងបើកបរយានជំនិះ តើអ្នកបើកបរយានយន្តអាចប្រើទូរស័ព្ទបានដែរឬទេ?

ចំ. អាចប្រើបាន ប្រសិនបើមានឧបករណ៍សំឡេងភ្ជាប់ទំនាក់ទំនង។

៣៣. នៅក្នុងទីក្រុង ឬទីប្រជុំជន រថយន្តធុនតូចត្រូវបានកំរិតល្បឿនអតិបរិមាប៉ុន្មានគីឡូម៉ែត្រក្នុងមួយម៉ោង?

ចំ. មិនលើសពី ៤០ គីឡូម៉ែត្រក្នុងមួយម៉ោង។

៣៤. នៅចំនុចកណ្តាល នៃទ្រូវផ្លូវប្រសព្វហើយអ្នក កំពុងធ្វើភ្លើងសញ្ញាបត់ឆ្វេងខណៈមានរថយន្តជាច្រើនជាប់គ្នាដឹកមកពីទិសផ្ទុយគ្នា តើអ្នកត្រូវធ្វើយ៉ាងដូចម្តេច?

ចំ. មិនត្រូវបត់ឆ្វេងភ្លាមទេ ត្រូវបន្ថយល្បឿន បើចាំបាច់ឈប់ឲ្យរថយន្តកមពីមុខទៅផុតអស់ទើប បត់ឆ្វេងដោយប្រុងប្រយ័ត្ន។

៣៥. តើទោចក្រយានយន្តអាចផ្ទុកមនុស្សបានប៉ុន្មាននាក់?

ចំ. អាចផ្ទុកមនុស្សបាន ២នាក់ និងអាចបន្ថែមបានកុមារ ១នាក់។

៣៦. តើអ្នកបើកបរ និងអ្នករួមដំណើរតាមទោចក្រយានយន្ត ត្រូវពាក់មួកសុវត្ថិភាពដែរឬទេ?

ចំ. ពាក់មួកសុវត្ថិភាពទាំងអ្នកបើកបរ និងអ្នករួមដំណើរ។

៣៧. តើអ្នកបើកបរត្រូវធ្វើដូចម្តេច នៅពេលអ្នកថ្មើរជើងកំពុងឆ្លងកាត់ ឬរៀបឆ្លងកាត់ នៅកន្លែងដែលមានគំនូសសញ្ញាសំរាប់ថ្មើរជើងឆ្លងកាត់?

ចំ. ត្រូវឈប់។

៣៨. តើអ្នកចតរថយន្ត តើអ្នកត្រូវមានការប្រុងប្រយ័ត្នយ៉ាងដូចម្តេច?

ចំ. ខ្ញុំត្រូវចតខាងស្តាំដែតាមទិសចរាចរណ៍ និងមិនឲ្យរំខានដល់អ្នកប្រើប្រាស់ផ្លូវ ឬចតនៅចំណតរថយន្ត រូចហើយត្រូវដាក់ហ្រ្វាំងដៃ។

៣៩. តើអ្នកបើកបរត្រីចក្រយានយន្ត និងអ្នកបើកបរទោចក្រយានយន្តសណ្តោងរ៉ឺម៉កត្រូវពាក់មួកសុវត្ថិភាពដែរឬទេ?

ចំ. ពាក់មួកសុវត្ថិភាពទាំងអ្នកបើកបរ ត្រីចក្រយានយន្ត និងទោចក្រយានយន្តសណ្តោងរ៉ឺម៉ក។

៤០. នៅក្នុងទីប្រជុំជន តើអ្នកបើកបរ និងអ្នករួមដំណើរជិះកៅអីមុខនៃរថយន្ត ត្រូវពាក់ខ្សែក្រវាត់សុវត្ថិភាពដែរឬទេ?

ចំ. ពាក់ខ្សែក្រវាត់សុវត្ថិភាពទាំងអ្នកបើកបរ និងអ្នករួមដំណើរជិះកៅអីមុខ។

៤១. តើផ្លាកសញ្ញាបន្ថែមពីក្រោម មានទ្រង់ទ្រាយដូចម្តេច?

ចំ. មានរាងបួនជ្រុងទ្រវែង ផ្ទៃពណ៌ស មានរូបសញ្ញា និងអក្សរឬលេខពណ៌ខ្មៅ។

៤២. តើអ្នកអាចបើកបរយានរបស់ខ្លួន ឆ្លងកាត់ ឈប់ ឬចតលើគំនូសសញ្ញាតម្រឹមគន្លងផ្លូវបានដែរឬទេ?

ចំ. មិនបានទេ។

៤៣. តើភ្លើងសញ្ញាចរាចរណ៍មានប៉ុន្មានពណ៌?

ចំ. ៣ ពណ៌។

៤៤. នៅពេលភ្លើងសញ្ញាចរាចរណ៍បញ្ចេញពន្លឺក្រហម តើអ្នកបើកបរយានយន្តជំនិះគ្រប់ប្រភេទត្រូវធ្វើដូចម្តេច?

ចំ. ឈប់នៅមុខខ្សែបន្ទាត់គំនូសជាប់ពណ៌ស កាត់ទទឹងទ្រូងផ្លូវ ឬមុខគំនួសសម្រាប់ថ្មើរជើងឆ្លងកាត់។

៤៥. នៅកន្លែងមានរង្វង់មូល ឬខឿនបែងចែកទ្រូវផ្លូវ តើអ្នកបើកបរត្រូវវាងទៅខាងណា?

ចំ. ត្រូវវាងទៅខាងស្តាំ។

៤៦. តើអ្នកបើកបរអាចបើកបរយានជំនិះទន្ទឹមគ្នានៅលើទ្រូងផ្លូវ ឬគន្លងផ្លូវតែមួយបានទេ?

ចំ. មិនបានទេ។

៤៧. តើអ្នកបើកបរអាចប្រើខ្សែសណ្តោងចំពោះយានជំនិះដែលមានទម្ងន់សរុបលើសពី ៥តោន បានដែរឬទេ?

ចំ. ហាមប្រើខ្សែសណ្តោង។

៤៨. តើអ្នកបើកបរអាចសណ្តោងយានជំនិះលើសពីមួយគ្រឿង ឬសណ្តោងយានជំនិះដែលមានសណ្តោងរ៉ឺម៉ក ឬសឺមីរ៉ឺម៉ក បានដែរឬទេ?

ចំ. ហាមសណ្តោង។

៤៩. រថយន្តមានសណ្តោងរ៉ឺម៉ក តើត្រូវដាក់អ្វីមានរាងដូចម្តេច នៅត្រង់ផ្នែកណានៃរថយន្ត?

ចំ. ត្រូវមានសញ្ញាត្រីកោណសមបាតដែលជាកញ្ចក់ចាំងពន្លឺ ពណ៌លឿង ០២ដាក់នៅខាងមុខអមសងខាងផ្លាកលេខ និងផ្នែកខាងក្រោយនៃរ៉ឺម៉ក។

៥០. តើអ្នកបើកបរអាចសណ្តោងទោចក្រយាន ឬទោចក្រយានយន្តបានដែរឬទេ?

ចំ. ហាមសណ្តោង។

៥១. តើអ្នកបើកបរអាចសណ្តោងរថយន្តដែលមានអ្នកដំណើរនៅក្នុងនោះ បានដែរឬទេ?

ចំ. ហាមសណ្តោង។

៥២. តើអ្នកបើកបរយានជំនិះគ្រប់ប្រភេទត្រូវធ្វើដូចម្តេចនៅពេលរថយន្តក្រុងកំពុងឈប់ដាក់អ្នកដំណើរឡើងចុះ?

ចំ. បើរបរបន្ថយល្បឿន បើចាំបាច់ត្រូវឈប់។

សំនួរ និង ចំលើយ ច្បាប់ចរាចរណ៍ផ្លូវគោក ដើម្បីត្រៀមប្រឡងយកបណ្ណបើកបរ វគ្គទី១

សំនួរ និង ចំលើយ

ច្បាប់ចរាចរណ៍ផ្លូវគោក ដើម្បីត្រៀមប្រឡងយកបណ្ណបើកបរ វគ្គទី១

១. តើអ្នកបើកបរអាចជែងគ្នានៅលើស្ពានបានដែរឬទេ?

ចំ.ហាមជែង។

២. នៅលើផ្លូវដែលមានភក់ ឬទឹកដក់ តើអ្នកបើកបរត្រូវមានការប្រុងប្រយ័ត្នដូចម្តេច បើមានអ្នកថ្មើរជើងនៅជិតនោះ?

ចំ. ត្រូវបន្ថយល្បឿនតិចៗដោយប្រុងប្រយ័ត្នកុំឲ្យខ្ទាតភក់លើអ្នកថ្មើរជើង។

៣. និយមន័យ “ផ្លូវថ្នល់”?

ចំ. តួផ្លូវ ទ្រូងផ្លូវ ជាយផ្លូវ ឬចិញ្ចើមផ្លូវ ស្ពាន ស្ពានអាកាស ស្ពានរំលង ផ្លូវរូង និងកំពង់ចម្លងតភ្ជាប់ផ្លូវថ្នល់។

៤. និយមន័យ “ចិញ្ចើមផ្លូវ”?

ចំ. ផ្នែកសងខាងនៃទ្រូងផ្លូវទុកសម្រាប់ថ្មើរ​ដាំដើមឈើ​ និងបង្កប់បរិក្ខារបម្រើផលប្រយោជន៍សេវាសាធារណៈ​។

៥. និយមន័យ “ជាយផ្លូវ”?

ចំ. ផ្នែកសងខាងនៃទ្រូងផ្លូវនៅក្រៅទីប្រជុំជន ដែលយានជំនិះអាចចតនៅទីនោះបានក្នុងករណីចាំបាច់។

៦. និយមន័យ “គន្លងផ្លូវ”?

ចំ. ចំណែកមួយនៃទ្រូងផ្លូវខណ្ឌដោយគំនូស ឬបរិក្ខារបែងចែកផ្លូវតាមបណ្តោយទ្រូងផ្លូវមានទទឹងគ្រប់គ្រាន់អាចយានជំនិះធ្វើចរាចរណ៍បានមួយជួរ។

៧. អ្នកបើកបរជិតដល់ផ្លូវធំរួមតូច ឬចង្អៀត តើអ្នកត្រូវធ្វើដូចម្តេច?

ចំ. ត្រូវបន្ថយល្បឿន ឬឈប់ដើម្បីទុកឲ្យយានជំនិះដែលមានដល់ផ្លូវតូចចង្អៀតទៅមុន។

៨. អ្នកបើកបរលើផ្លូវមានថ្មខ្ទាត តើត្រូវមានការប្រុងប្រយ័ត្នដូចម្តេច?

ចំ. ត្រូវបើកយឺតៗកុំឲ្យថ្មខ្ទាតទៅលើយានជំនិះដទៃ។

៩. តើអ្នកបើកបរ អាចឈប់នៅលើផ្លូវរថភ្លើងបានដែរឬទេ?

ចំ. មិនអាចឈប់បានជាដាច់ខាត

១០. និយមន័យ “អ្នកបើកបរ”?

ចំ. អ្នកបញ្ជាយានជំនិះគិតទាំងអ្នកជិះសត្វ អ្នកដឹកសត្វ និងអ្នកបរសត្វនៅលើផ្លូវ។

១១. និយមន័យ “ឈប់”?

ចំ.ការនៅស្ងៀមនៃយានជំនិះលើទ្រូងផ្លូវមួយរយៈពេលខ្លីដែលមានអ្នកបើកបរ ស្ថិតនៅជាប់នឹងចង្កូត ឬក្បែរយានជំនិះ។

១២. និយមន័យ “ចត”?

ចំ. ការទុកឲ្យយានជំនិះនៅស្ងៀមក្នុងរយៈពេលយូរ ឬឆាប់ដែលអ្នកបើកបរអាចដើរចោលយានជំនិះរបស់ខ្លួនបាន។

១៣. ​និយមន័យ “រថយន្តគ្រូសារ”?

ចំ. រថយន្តដែលមានផ្ទុកមនុស្សមិនលើសពី ៩នាក់ទាំងអ្នកបើកបរ។

១៤. និយមន័យ “រថយន្តដឹកជញ្ជូនអ្នកដំណើរធុនធំ”?

ចំ. រថយន្តដែលមានចំនុះផ្ទុកលើសពី ២០នាក់ដោយគិតទាំងអ្នកបើកបរ។

១៥. និយមន័យ “រថយន្តដឹកជញ្ជូនអ្នកដំណើរធុនតូច”?

ចំ. រថយន្តដែលមានចំណុះផ្ទុកចាប់ពី ១០នាក់ដល់ ២០នាក់ដោយគិតទាំងអ្នកបើកបរ។

១៦. និយមន័យ “រថយន្តធុនស្រាល”?

ចំ. រថយន្តដែលមានទម្ងន់សរុបអតិបរមាមិនលើសពី ៣,៥តោន។

១៧. និយមន័យ “រថយន្តធុនធ្ងន់”?

ចំ. រថយន្តដែលមានទម្ងន់សរុបអតិបរមាលើសពី ៣,៥តោនឡើងទៅ។

១៨. ពេលឮស៊ីរ៉ែនរថយន្តដែលមានសិទ្ធិអាទិភាព តើអ្នកត្រូវធ្វើដូចម្តេច?

ចំ. ខ្ញុំត្រូវឲ្យសញ្ញាអែបស្តាំរួចបន្ថយល្បឿន ឬឈប់អែបខាងស្តាំដៃ ទុកសិទ្ធិឲ្យយានស៊ីរ៉ែនទៅមុន។

១៩. មុននឹងបត់ស្តាំ ឬបត់ឆ្វេង តើអ្នកត្រូវឲ្យភ្លើងសញ្ញាប៉ុន្មានម៉ែត្រពីផ្លូវប្រសព្វ ឬកន្លែងដែលត្រូវបត់?

ចំ. ត្រូវឲ្យភ្លើងសញ្ញាបត់ចម្ងាយ យ៉ាងតិច ២០ម៉ែត្រ។

២០. នៅលើផ្លូវដែលមានចរាចរណ៍ទៅមកច្រើនហើយត្រូវបត់ត្រឡប់ក្រោយវិញ តើអ្នកត្រូវធ្វើដូចម្តេច?

ចំ. ត្រូវមានការប្រុងប្រយ័ត្នដោយធ្វើការបត់ត្រឡប់ក្រោយ តាមបច្ចេកទេសបើកបរ។

២១. និយមន័យ “យានយន្តុបករណ៍”?

ចំ.  យានយន្តពិសេសដែលមានឧបករណ៍គ្រឿងចក្រ បំពាក់បន្ថែម គ្មានផ្ទុកមនុស្ស ឬគ្មានផ្ទុកទំនិញនៅក្រៅកាប៊ីន។

២២. អ្នកកំពង់បើកបរដោយប្រើភ្លើងហ្វានៅលើផ្លូវដែលគ្មានភ្លើងអគ្គីសនី ពេលដែលអ្នកត្រូវប្តូរភ្លើងទៅកូតវិញ តើត្រូវមានការប្រុងប្រយ័ត្នយ៉ាងណា?

ចំ. ត្រូវបន្ថយល្បឿនព្រោះមើលមិនបានឆ្ងាយ។

២៣. និយមន័យ “រ៉ឺម៉ក”?

ចំ. យានសម្រាប់ថ្ពក់ជាមួយរថយន្ត។

២៤. និយមន័យ “សឺមីរ៉ឺម៉ក”?

ចំ. យានសម្រាប់ថ្ពក់ជាប់នឹងក្បាលរថយន្តសណ្តោង។

២៥. គំនូសសញ្ញាទោលជាប់សម្រាប់បែងចែកទ្រូងផ្លូវជាពីរទិសចរាចរណ៍ផ្ទុយគ្នា តើអ្នកអាចបើកបរឆ្លងកាត់ ឬជាន់ពីលើបានឬទេ?

ចំ. ហាមបើកបរជាន់ ឬឆ្លងកាត់។

២៦. សញ្ញាចរាចរណ៍ផ្លូវគោក រួមមានអ្វីខ្លះ?

ចំ. ផ្លាកសញ្ញាចរាចរណ៍ ភ្លើងសញ្ញាចរាចរណ៍ គំនូសសញ្ញាចរាចរណ៍ សញ្ញាបញ្ជារបស់ភ្នាក់ងារចរាចរណ៍ និងសញ្ញាផ្សេងៗទៀត។

២៧. លំដាប់សិទ្ធិអាទិភាព ត្រូវបានកំណត់ដូចម្តេចទើបត្រឹមត្រូវ?

ចំ. សញ្ញាបញ្ជារបស់ភ្នាក់ងារចរាចរណ៍ ភ្លើងសញ្ញាចរាចរណ៍ គំនូសសញ្ញាចរាចរណ៍ ផ្លាកសញ្ញាចរាចរណ៍ និងបទប្បញ្ញតិចរាចរណ៍។

ABOUT ME

មេរៀនសម្រាប់ផ្សព្វផ្សាយ

ប្រកាស

អនុក្រឹត្យ

ព្រះរាជក្រឹត្យ

បញ្ញត្តិ និងគោលនយោបាយ